زعيم حزب الله اللبنانى في واجهة مشاهير الفن العاطفية

بعد الزوبعة الإعلامية والإجتماعية والسياسية التي أطلقها الفنان زياد الرحباني، إثر تصريحه أن والدته السيدة فيروز تحب السيد حسن نصرالله التي قامت الدنيا عليها ولم تقعد إلى الآن، أطلت ريما الرحباني ابنة السيدة فيروز عبر حسابها الخاص على موقع فايسبوك لتدحض

هذا الموضوع جملة وتفصيلا، معتبرة أن كلام زياد ما هو إلا تكهنات وتركيبات زيادية على حساب فيروز وفق ما جاء في كلامها:

“إلى اصدقائي الفيروزيين فقط لا غير.. بعرف إنو الحملة الإعلامية الأخيرة الناتجة عن تصريحات زياد عن فيروز ضايقتكن وتركت عندكن تساؤولات كتيرة.

ما تنطروا رد من فيروز، لأن متل ما كلكن بتعرفوا، فيروز التزمت عدم الرد من زمان ومهما كان. فكيف إذا الموضوع بيتعلق بزياد تحديداَ.

وأنا ما رح صرّح شي عن فيروز، ولا أي حدا أساساً مخّول يصّرح عن فيروز، وخاصة أكيد مش ملحقة إعلامية سابقة فاتحة ع حسابها.

بس بأكدلكن من موقعي، ومن هالبيت، ومن دوري وحرصي وواجبي المحافظة على كل ما لها من احترام، لإسمها ومسيرتها ورسالتها، وأعمالها وماضيها وحاضرها وأسلوبها بالتعاطي مع الأمور، إنو هالموضوع، كما وإنو المواضيع والتصريحات السابقة السياسية والغير السياسية اللي تناولت فيروز، ما بتتعدى كونها تكهنات وتركيبات زيّادية على حساب فيروز فقط لا غير.

ما تزعلوا.. مصير هالحملة، متل كل الحملات اللي سبقوها، بتعرفوا شو هوّي…

وحدا فيروز كانت وستبقى ذاتا… حقيقة ثابتة.. والحقيقة مع الوقت.. وكل الوقت. إنشالله بينعاد عليكن بالخير والسلام. وبكرا الحب جديد.”

رأي اليوم بعنوان آخر..